Viti i ri 2016 në Sofie të Bullgarisë, historia që mund të shfletohet edhe për tre ditë

Dhuroji një Vit të Ri ndryshe vetes në një nga qytetet më të pasura me histori dhe bukuri të Europës!!!

Sofia, kryeqyteti i Bullgarisë , di të të ofrojë gjithçka të nevojitet gjatë pushimeve: Kulturë, histori, zbavitje, ekskursione, Bar Restorante e lokale, llixha dhe qendra Spa, kazinò dhe rrugë me dyqane për të bërë Pazar e shumëçka tjetër…

Çfarë mund të bësh për Vitin e Ri në Sofie

Sofia, kryeqyteti i Bullgarisë, është një qytet që mikpret më shumë se 1 milion banorë. Megjithatë, ndoshta jo të gjithë janë në dijeni, por pas Athinës dhe Romës, Sofia përfaqëson qytetin më antik të Europës; për këtë motiv janë të shumta dëshmitë e trashëgimisë artistike dhe kulturore.

Kur nuk di se çafrë të bësh për Vitin e Ri, Sofia mund të përfaqësojë një zgjedhje origjinale për të kaluar pak ditë duke u ndjerë mirë. Mund të bësh një vizitë kulturore nëpër qytet ose mund të qetësohesh në rrugët e tij.

Të gjesh një vend për të fjetur në Sofie për Vitin e Ri është shumë e thjeshtë; përveç hoteleve të shumta të hapura vitet e fundit, është e mundur të akomodohesh në një nga manastiret në Monte Vitosa që, po kohët e fundit janë kthyer në hotele.

Një sugjerim nga ana jonë është që ta merrni me nge vizitën nëpër muze, kisha e monumente. Gjithashtu mund të shëtisni nëpër lagjjet piktoreske të Sofies. Nëse vendosni të qëndroni të paktën tre ditë në kryeqytetin bullgar; nisje në datën 30 dhjetor dhe largim në 2 janar, do ishte ideale për t’u njohur me disa gjëra të rëndësishme të Sofies. Mes zonave turistike më të frekuentuara janë për t’u shënuar rrethinat e Sredets, Oborishtes dhe të Boyana.

Banjot termale

Përpara se të kalosh natën e gjatë të Shën Silvestrit këshilla jonë është që ti dhurosh vetes ndonjë orë në qendrat e bukurisë në një nga banjot termale të shumta: njëra ndodhet pikërisht në sheshin në pjesën e pasme të xhamisë.

Pazar

Përpara fundit të vitit, nëqoftëse ke për qëllim ta boshatisësh portofolin, në sheshin Sveta Nedelya, pasi të kesh vizituar kishat, ndiq Vithosa Boulevard, të ashtuquajturën rruga e pazarit dhe bukurisë.

Nata e fundit e vitit

Mes vendeve ku mund të darkosh natën e ndërrimtit të viteve, më të kërkuarit mbeten restorantet tradicionalë bullgarë, mbi të gjitha “Veseloto Selo” dhe “Vodenitzata”; nëse zgjidhet kjo alternativë për natën e ndërrimt të viteve, këshillojmë që të prenotoni të paktën një javë përpara. Ata që janë të pavendosur se cilin bar do të zgjedhin, mund t’ju këshillojmë disa alternativa; si i famshmi “By the way”, ose bari “Motto”, që ofron muzikë dhe zbavitje gjatë gjithë natës. Shumë të kërkuara,janë gjithashtu diskotekat dhe klubet e natës (në veçanti “Mascara” dhe “Tequila”).

Çfarë mund të shohësh në Sofie?!